![](https://i0.wp.com/www.indreni.com/wp-content/uploads/2021/11/cholendra-shamsher.jpg?fit=768%2C482&ssl=1)
![](https://i0.wp.com/www.indreni.com/wp-content/uploads/2021/11/cholendra-shamsher.jpg?fit=768%2C482&ssl=1)
प्रधानन्यायाधीश चोलेन्द्र शमशेर जबरा बिरामी भएर अस्पताल भर्ना भएपछि कानुन व्यवसायीको एक महिना देखिको नाराजुलुस बन्द रोकिएको हो ।
मंगलबार सर्वोच्च अदालतमा जम्मा भएर धर्ना कार्यक्रमलाई निरन्तरता दिए पनि उनीहरुले नारा जुलुस नगरेका हु्न ।
यसअघि धर्नामा चोलेन्द्र शमेशेरको राजीनामा माग गर्दै नारा लगाउँदै आएका थिए। मंगलबार भने मौन रहेको नेपाल बारका महासचिव लिलामणि पौडेलले बताएका छन् ।
‘राणा बिरामी भएर अस्पताल भर्ना भएको खवर आएकाले अस्पतालमा भएको विरामीविरुद्ध नारा जुलुस नगरेको कानून व्यवसायीले जनाएका छन् । आन्दोलन जारी राखे पनि आज मौन रहेको भन्दै राणाको स्वास्थ्य लाभको कामना गरेको महासचिव पौडेलले बताए ।
भोलिबाट आन्दोलनलाई कस्तो रुपमा लैजाने भन्ने आज छलफल हुने भएको छ । कोरोना संक्रमण भएपछि प्रधानन्यायाधीश राणा सोमबार साँझ बलम्बुस्थित सशस्त्र प्रहरी अस्पतालमा भर्ना भएका छन्।
उनको स्वास्थ्य अवस्था स्थिर रहेको डा. प्रविण नेपालले जानकारी दिए।