![](https://i0.wp.com/www.indreni.com/wp-content/uploads/2021/11/Lionel_Messi_Ballon_d_Or_2021.jpg?fit=1920%2C1080&ssl=1)
![](https://i0.wp.com/www.indreni.com/wp-content/uploads/2021/11/Lionel_Messi_Ballon_d_Or_2021.jpg?fit=1920%2C1080&ssl=1)
१४ मंसिर, काठमाडौं । अर्जेन्टिना एवं पेरिस सेन्ट जर्मेनका (पीएसजी)का फरवार्ड लियोनल मेस्सीले सातौं पटक बालोन डी’ओर अवार्ड जितेका छन् । फ्रान्सको पेरिसमा सोमबार राति आयोजित विशेष समारोहबीच मेस्सीलाई कीर्तिमानी सातौंपटक यो अवार्ड प्रदान गरिएको हो ।
विश्वभरका पत्रकारहरूको निर्णायक मण्डलले गरेको मतदानमा बायर्न म्युनिखका स्ट्राइकर रोबर्ट लेवान्डोस्की दोस्रो र चेल्सी र इटालीका मिडफिल्डर जोर्गिन्हो तेस्रो भए ।मेस्सी सर्वाधिक यस अवार्ड जित्ने पहिलो खेलाडी बनेका छन् । यसअघि मेस्सीले सन् २००९, २०१०, २०११, २०१२, २०१५ र २०१९ मा अवार्ड जितेका थिए । मेस्सीपछि रोनाल्डोले पाँच पटक अवार्ड जितेका छन् । कोरोना महामारीका कारण गत वर्षको भने याे अवार्ड रद्द भएको थियो ।
३४ वर्षिय मेस्सीले बार्सिलोनाका लागि गत सिजन ४८ खेलमा ३८ गोल गरेका थिए । अर्जेन्टिनाको कप्तानी गरेका उनले जुलाईमा कोपा अमेरिकाको उपाधि जितेका थिए । त्यो उनको करियरको पहिलो प्रमुख अन्तर्राष्ट्रिय उपाधि हो । त्यसपछि पिएसजी पुगेका उनले लसम्म ११ खेल मात्र खेलेका छन् । चार गोल गरेका छन् ।