इन्द्रेणी
१६ मंसिर २०७८, बिहीबार ०९:५७ तान्जानियाको पेम्बा टापुमा कछुवाको मासु खाँदा सात जनाको मृत्यु भएको छ, भने ३८ जना बिरामी भएका छन् । मृत्यु हुनेमा एक बालक समेत छन् । पेम्बा द्धीपका पाँचै जनाले कछुवाको मासु खाएका थिए ।
तान्जानियाका तटीय क्षेत्रमा कछुवाको मासु खाने चलन छ । उनीहरुको मृत्युपछि स्थानीय प्रशासनले छुवाको मासु खान प्रतिबन्ध लगाएको छ ।
टर्टल फाउन्डेशन नामक संस्थाका अनुसार कछुवाले खाने विषालु लेउका कारण मासु पनि विष हुने गरेको बताएको छ । विषालु मासुले विशेष गरी बालबालिका र वृद्धवृद्धालाई नराम्रो असर गर्ने भन्दै संस्थाले आगामी दिनमा त्यस्तो मासु नखान सम्बन्धित सबैलाई आग्रह गरेको छ ।
तान्जेनियामा कछुवाको मासु खाँदा बारम्बार मानिसहरुको मृत्यु हुने गरेको छ । यसअघि मार्चमा म्याडगस्करमा कछुवाको विषालु मासु खाँदा नौ बालबालिकासहित १९ जनाको मृत्यु भएको थियो ।