इन्द्रेणी
९ पुष २०७८, शुक्रबार १५:३७ काठमाडौं, पुष ०९। प्रधानमन्त्री शेरबहादुर देउवा पुस अन्तिममा भारत भ्रमणमा जाने तयारी भएको छ। भारतीय समकक्षी नरेन्द्र मोदीको निमन्त्रणमा प्रधानमन्त्री देउवा भारत जान लागेका हुन् । गत कात्तिकमा बेलायतको ग्लास्गोमा भएको जनवायु परिर्वतनसम्बन्धी सम्मेलन ‘कोप–२६’ का क्रममा भएको भेटमा दुई देशका प्रधानमन्त्रीले भ्रमणको निम्तो दिएका थिए ।
नेपाली कांग्रेसको सभापतिमा पुनः निर्वाचित भए लगतै देउवा भारत जान लागेका हुन् । बालुवाटार स्रोतले प्रधानमन्त्री देउवाको भ्रमणका लागि जनवरी पहिला साताको मिति प्रस्ताव गरिएको छ, यद्यपि जनवरी १० मा पनि हुनसक्ने छ ।
प्रधानमन्त्री देउवा प्रधानमन्त्री भएपछि औपचारिक रुपमा छिमेकी मुलुकको भ्रमणमा गएका छैनन । प्रधानमन्त्री भएलगतै पार्टीको आन्तरिक महाधिबेशनमा लागि परेका देउवालाई अव विदेश भ्रमणमा जाने समय जुरेको छ ।