काठमाडौं, माघ ७। भक्तपुरको जिल्ला प्रशासन कार्यालयमा कार्यरत विभिन्न फाँटका कर्मचारीहरुमा कोरोना संक्रमण देखिए पछि अत्यावश्यक बाहेकका सबै सेवा बन्द हुने भएको छ । आज माघ ६ गते बिहीवार देखि नागरिकता, राहदानी, राष्ट्रिय परिचयपत्र लगायतका सेवाहरु बन्द हुने आज प्रमुख जिल्ला अधिकारी रुद्रादेवी शर्माले बताउँनु भयो ।
कार्यालयले प्रदान गर्ने अत्यावश्यक शान्ति सुरक्षा, मुद्धा जस्ता विषयका सेवा लिन आउने सेवाग्राहीहरुलाई समेत पूर्णरुपमा स्वास्थ्य मापदण्ड पालना गरेरमात्र आउन समेते निर्देशन दिईएको सीडीओ शर्माले बताउँनु भयो ।
अरु सरकारी कार्यालयहरुको पनि आजै अनुगमन गरिसकेको र त्यस्को बारे पछि निर्णय गर्ने पनि उहाँले बताउँनु भयो । आज जिल्ला प्रशासनमा कार्यरत ५ जना कर्मचारीमा कोरोना संक्रमण देखिएको छ र केहि कर्मचारीहरु आइसोलेशनमा र केही स्वास्थ्य संस्थामा उपचार गरिरहेको पनि प्रशासनले जनाएको छ ।