इन्द्रेणी
१७ फाल्गुन २०७८, मंगलवार ०८:५९ काठमाडौं, फागुन १७। संसदबाट एमसिसी पारित भएको विरोधमा भएको आन्दोलनले उग्र रूप लिएपछि जिल्ला प्रशासन कार्यालय सुर्खेतले वीरेन्द्रनगर बजारमा आज बेलुका ७ बजेसम्मका लागि कर्फ्यू आदेश जारी गरेको छ। प्रमुख जिल्ला अधिकारी खगेन्द्रप्रसाद रिजालले सोमबार बेलुका सवा ८ देखि मंगलबार बेलुका ७ बजेसम्मका लागि कर्फ्यू आदेश जारी गरेका हुन्।
प्रदर्शन बढेपछि र पार्टी कार्यालयहरूमै आगजनी हुन थालेपछि कर्फ्यू आदेश जारी गर्नुपरेको रिजालले भने।उत्तरमा कपासे, दक्षिणमा काभ्रेबिहार, पूर्वमा सुब्बा कुना र पश्चिममा बाङ्गेसिमल क्षेत्र तोकेर कर्फ्यू आदेश जारी गरिएको रिजालले जानकारी दि। नेत्रविक्रम चन्द विप्लव नेतृत्वको नेपाल कम्युनिष्ट पार्टीसहितका ६ राजनीतिक दलले सोमबार बन्द आह्वान गरेका थिए । बन्द सकिएपछि केही समूहले पार्टी कार्यालयमा तोडफोड र आगजनी गरेको रिजालले बताए । स्थिति नियन्त्रणमा लिन अहिले वीरेन्द्रनगर बजारमा ठूलो संख्यामा प्रहरी परिचालन गरिएको छ ।