इन्द्रेणी
३० फाल्गुन २०७८, सोमबार १०:४३ नेकपा माओवादी केन्द्रका अध्यक्ष प्रचण्डले प्रकाश सपुतको गीत ‘पीर’को म्युजिक भिडियोमा भइरहेको विवादबारे प्रतिक्रिया दिएका छन् । माओवादीका जनवर्गीय संगठनसँग केही नेताहरुले सपुतको उक्त गीतको म्युजिक भिडियो युट्युवबाट हटाउनुपर्ने चेतावनी दिइरहेका बेला प्रचण्डले सोमबार धनगढी विमानस्थलमा पत्रकारसँग भने, ‘मैले पूरै गीत हेर्न पाएको छैन, मिडियाबाट थाहा पाएको हुँ । अहिले हामी कोही उत्तेजित हुनुपर्ने पनि छैन ।’
शान्ति प्रक्रियामा ल्याएर माओवादीले बर्बाद गर्यो भन्ने पनि नरहेको उल्लेख गर्दै प्रचण्डले जनयुद्धप्रति हल्का टिप्पणी गर्न पनि नमिल्ने बताए । तर, यो विषयमा सयौं वर्षसम्म पनि बहस रहने उल्लेख गर्दै प्रचण्डले तर्करवितर्क,पक्षरविपक्षलाई स्वभाविक रूपले लिनुपर्ने बताए ।
जनयुद्धबाट शान्ति प्रक्रियामा आउनु ठिक थियो कि थिएन भन्नेमा पनि बहस भइरहने उनले बताए । यो भिडियो आएसंगै यतिबेला राष्ट्रिय राजनीतिमै बहसको विषय बनेको छ । अझै प्रचण्ड पक्ष र अन्य पक्षका साथै माओवादी जनयुद्धमा सहभागी भएका हालका विभिन्न दल तथा नेताहरुका बीचमा समेत निकै समथन र विरोधमा प्रतिक्रिया आएका छन् ।