इन्द्रेणी
२२ चैत्र २०७८, मंगलवार ०९:३८ अस्ट्रेलियामा पहिरोमा परी बेलायती परिवारका दुई जनाको मृत्यु भएको छ भने दुई जना गम्भीर घाइते भएका छन् । सोमबार सिड्नी नजिकैको ब्लू माउन्टेन्समा चट्टानबाट खसेर ४९ वर्षीय पुरुष र उनका नौ वर्षीय छोराको मृत्यु भएको हो ।
टाउको र पेटमा गम्भीर चोट लागेका ५० वर्षीया महिला र १४ वर्षीय बालकलाई अस्पताल लगिएको थियो । १५ वर्षीया किशोरीलाई झट्का लागि उपचार गरिएको थियो । दुर्घटना हुँदा परिवार लोकप्रिय पर्यटक क्षेत्रमा छुट्टी मनाउन गएको अधिकारीहरूले बताएका छन्।