इन्द्रेणी
२ श्रावण २०७९, सोमबार १५:४० प्रहरी अतिरिक्त महानिरीक्षक एआईजीपी विश्वराज पोखरेलले राजीनामा दिएका छन्। सोमबार दिउँसो प्रहरी प्रधान कार्यालय नक्साल पुगेका उनले सोमबारको हाजिर गरेर पदबाट राजीनामा दिएका हुन्। एआईजीपी पोखरेलले सोमबार नक्सालस्थित प्रहरी प्रधान कार्यालयको मानव स्रोत विभागमा हाजिर गरेपछि राजीनामा दिएको बताए।
ुहो मैले राजीनामा दिएको छु। त्यसअघि मेरो सरुवा भएको प्रदेश समन्वय समितिको रमना बुझेँु, उनले भने, ुमैले दाबी गरेअनुसार सर्वोच्चको फैसला नआएसँगै पदमा रहिरहनु उचित ठानिनँ। सर्वोच्च अदालतले गत असार ३१ गते प्रहरी महानिरीक्षकमा धीरजप्रताप सिंहलाई नै निरन्तरता दिने फैसला सुनाएसँगै पोखरेलले राजीनामा दिने चर्चा थियो।
आफूभन्दा जुनियरलाई आईजीपी बनाएको भन्दै असन्तुष्ट पोखरेलको र अवकाशमा गइसकेका तीन डीआईजीको पनि रिट खारेजको निर्णय सर्वोच्चले गरेको थियो। पोखरेलसहित अवकाशमा गएका तीन डीआईजीको पनि रिट खारेज गर्ने सर्वोच्च अदालतको फैसलापछि प्रहरी महानिरीक्षकमा धीरज प्रताप सिंहको नियुक्तिमा उठाइएका सबै प्रश्नको पनि औचित्य सकिएको थियो।
गत वैशाख १९ गतेबाट आईजीपीको जिम्मेवारी धीरजप्रताप सिंहले पाएपछि विश्वराजलले वैशाख १८ गते नै बिदा हुँदै गरेका आईजीपी शैलेश थापा क्षेत्रीलाई ३० दिनको बिदा स्वीकृत गराएका थिए। यसबीचको सार्वजनिक विदासहित जोड्दा उनको बिदा जेठ २६ मै सकिएको थियो। त्यसपछि पनि उनले पटक पटक बिदा थपेर सर्वोच्चमा मुद्दा लडेका थिए।
विश्वराजले हालेको यो मुद्दामा गत जेठ ३० गते अन्तिम सुनुवाइ सुरु भएको थियो। निवेदकले दुई दिन र प्रतिवादीले दुई दिन बहस गरेपछि निवेदकका तर्फबाट जवाफी बहससँगै सुनुवाइ टुंगिएको थियो। आफू साउन २० गते अनिवार्य अवकाशमा जाने भएकाले पनि त्यसअघि नै रिटको टुंगो लगाइदिन एआईजी विश्वराज पोखरेलले आग्रह गरेका थिए।
तर अढाई महिनाअघिको रिटमा टुंगो नलाग्दा उनी निराश थिए। सर्वोच्चको यो फैसलासँगै एसएसपीदेखि डीआईजीसम्म एक्लै फड्को मारेका पोखरेलको आईजीपी बन्ने सपना तुहिएको थियो।