इन्द्रेणी
५ भाद्र २०७९, आईतवार १७:५७ काठमाडौं, भदौ ५। एक महिना अघि सार्वजनिक भएको तीज गीत ‘झमझम झम्कना’ युट्युब च्यानलमा एक करोड भन्दा बढि भ्युज पार गर्दै करोड क्लबमा प्रवेश गरेको छ । एक महिनाअघि सार्वजनिक भएको यस गीतले युट्युबमा एक करोड २९ लाख भन्दा बढी भ्युज पाएको हो ।
भागिरथ चलाउने र सुनिता बुढा क्षेत्रीको स्वर रहेको यस गीतलाई दर्शकले सर्वाधिक मन पराएका छन् । यसवर्ष सार्वजनिक तीज लक्षित गीतमध्ये अहिलेसम्म करोड क्लबमा पुग्ने एकमात्र तीजगीत हो । यो समाचार तयार पर्दासम्म गीतलाई युट्युबमा हालसम्म एक करोड २९ लाख ६५ हजार ५ सय बढी भ्युज छ । गीत करोड क्लबमा प्रवेश गरेकोमा गायक चलाउनेले फेसबुकमार्फत दर्शकलाई धन्यवाद व्यक्त गरेका छन् । यो गीत हिट हुनुमा टिकटकका साथै सामाजिक सञ्जालको निकै भूमिका रहेको समेत उनको भनाई छ ।
बोमबहादुर गाहा मगरको शब्द, भागिरथकै संगीत रहेको गीतमा विनोद बाजुरालीको एरेन्ज रहेको छ । गीतको भिडियोमा मोडल गीता ढुंगाना र भागिरथ नै फिचर्ड छन् । सन्ध्या कँडेलको प्रस्तुति रहेको ‘झमझम झम्काना’को भिडियोलाई राजेश घिमिरेले छायाङकन गरेका छन् । यता कोरियोग्राफरमा तथा निर्देशक प्रकाश भट्ट भने दृश्य निर्माणमा साई भिजन प्रालि रहेको छ । करोड क्लवमा प्रवेश गरेको भन्दै यो तीजगित निर्माण गर्ने सबै समूह इन्द्रेणी कार्यक्रममा आई आफ्नो प्रस्तुती गरेका छन् । करोड करोडको खुशीयालीमा गायक गायिकाका साथै अभिनय गर्ने कलाकारहरु सहभागी भएका हुन ।
