इन्द्रेणी
८ भाद्र २०७९, बुधबार १९:०७ राष्ट्रपति विद्यादेवी भण्डारीले आफ्नो सुरक्षामा खटिएका वर्तमान र पूर्वसुरक्षा अधिकारीहरूलाई भेटका लागि बोलाएकी छन् ।
राष्ट्रपति भण्डारीले उनीहरूलाई बुधबार भेटका लागि शीतल निवासमा बोलाएको सुरक्षा स्रोतले जनाएको छ । नेपाली सेनाको परमाधिपतिसमेत रहेकी राष्ट्रपतिका लागि सेनाको टुकडी परिचालन गर्ने गरिएको छ ।
दोस्रो कार्यकालको अन्तिम चरणमा रहेकी भण्डारीले पछिल्लो समय अन्य विभिन्न पेसा व्यवसायका व्यक्तिहरूलाई पनि भेट गरेकी छन् ।
उनी पहिलो पटक २०७२ कात्तिक १२ मा निर्वाचित भएकी थिइन् । त्यसैगरी दोस्रो पटक २०७४ फागुन २९ मा निर्वाचित भएकी हुन् ।
संसदबाट पारित गरेको नागरिकता विधेयक फिर्ता पठाएपछि प्रतिनिधिसभाले हुबहु पुनः अनुमोदन गरेपछि राष्ट्रपति भण्डारी सरकारसँग असन्तुष्ट रहँदै आएको स्रोतले जनाएका छन् । केही व्यक्तिहरुले नागरिकता विधेयकलाई राष्टपतिले प्रमाणिकरण गर्न नुहुने भन्दै बरु राजनीनामा दिएर आगामी निर्वाचनमा एमालेले सशक्त नारा बनाएर प्रचारमा जानुपर्ने सुुझाव समेत दिएका छन् । के गर्दा ठिक होला भन्ने विषयमा भण्डारीले छलफललाई तिव्रता दिएकी छन् ।