इन्द्रेणी
१८ असार २०८०, सोमबार १६:४५ काठमाडौँ महानगरपालिकाले ललिता निवास र चर्चेको जग्गामा भवन निर्माण गर्न स्वीकृति नदिने भएको छ ।
महानगरपालिकाले सोमबार सार्वजनिक सूचना जारी गर्दै बालुवाटारस्थित ललिता निवास र चर्चेको जग्गामा भवन निर्माण गर्न स्वीकृति नदिने निर्णय गरेको हो ।
यस्तै महानगरले भवन निर्माण सम्पन्नताको प्रमाणपत्र जारी नगर्ने समेत जनाएको छ । उक्त क्षेत्रका जग्गामा भवन निर्माण भइरहेको भए रोक्का गर्ने महानगरको भनाइ छ ।
यदि कसैले सूचनाको अटेरी गरी भवन निर्माण गरेमा संरचना भत्काइने र भत्काउँदा लागेको खर्च समेत असुल गर्ने महानगरको सूचनामा उल्लेख गरिएको छ ।