इन्द्रेणी
७ श्रावण २०८०, आईतवार ०९:४७ नेपालको केन्द्रिय बैंक अर्थात नेपाल राष्ट्र बैंकले चालु आर्थिक वर्ष २०८०/८१ को मौद्रिक नीति आज (साउन ७ गते) आइतबार सार्वजनिक गर्ने भएको छ। यसका लागि अहिले राष्ट्र बैंकको सञ्चालक समितिको बैठक बसिरहेको छ।
बिहान साढे ८ बजेदेखि सुरु भएको बैठकमा मौद्रिक नीतिमाथि छलफल भइरहेको सञ्चालक समितिको एक सदस्यले जानकारी दिए। गभर्नर महाप्रसाद अधिकारीले शुक्रबार साँझ सञ्चालक समितिको बैठक आइतबार बिहान डाकेको उनको भनाइ छ।
राष्ट्र बैंकको बोर्ड बैठकले पारित गरेपश्चात सो मौद्रिक नीति सार्वजनिक गरिने उनले बताए।