इन्द्रेणी
३ आश्विन २०८०, बुधबार ०८:२९ ग्लोबल आइएमई बैंकको बरिष्ठ नायव प्रमुख कार्यकारी अधिकृतमा सुरेन्द्रराज रेग्मी नियुक्त भएका हुन । ग्लोबल आइएमई बैंकको सञ्चालक समितिले रेग्मीलाई २०८० असोज १ गतेदेखि लागू हुने गरी वरिष्ठ नायव प्रमुख कार्यकारी अधिकृतमा बढुवा गरेको जनाएको छ ।
करिब तीन दशकदेखि बैंकिङ्ग क्षेत्रमा कार्यरत रेग्मी २०६५ बैशाखमा नायव प्रबन्धक तहबाट ग्लोबल आइएमई बैंकमा सेवा प्रवेश गरेका थिए ।
ग्लोबल आइएमई बैंकमा विगत १५ वर्षदेखि कार्यरत रेग्मी यसअघि नायव प्रमुख कार्यकारी अधिकृतमा कार्यरत थिए । उनीसंग बैंकिङ्ग क्षेत्रको करिब ३५ वर्ष भन्दालामो कार्यरत अनुभव छ ।
रेग्मीले त्रिभुवन विश्व विद्यालयबाट एमए अर्थशास्त्र तथा बेलायतको युनिभर्सिटि अफ वेल्सबाट एमबीए गरेका हुन ।
ग्लोबल आइएमई बैंकमा कर्जा व्यवस्थापन, जोखिम तथा नियन्त्रण, बैंकिङ्ग अपरेसन, जोखिम व्यवस्थापन, अनुपालन, शाखा सञ्चालन, सामान्य प्रशासन, एसएमई र खुद्रा व्यापार, मर्जर व्यवस्थापन लगायत समग्र बैंकिङ्गको सुपरिवेक्षण तहमा काम गरिसकेका रेग्मी एक अब्बल बैंकरका रुपमा परिचित छन् ।
यो बैंक जनता बैंक र बैंक अफ काठमाडौंसंग मर्ज भई सबै भन्दा ठुलो र पुँजी भएको बंैकका रुपमा स्थापित हुन थालेको छ ।